accessibility.sr-only.body-term

L’organisaziun, las incumbensas e las cumpetenzas dal Museum naziunal svizzer regla la Lescha federala dals 12 da zercladur 2009 davart ils museums e las collecziuns da la Confederaziun (LMC). Dapi l’entrada en vigur il 1. da schaner 2010 è il MNS, che sa cumpona dal Museum naziunal a Turitg, dal Chastè da Prangins, dal Forum da l’istorgia svizra a Sviz e dal Center da collecziun ad Affoltern am Albis, ina instituziun da dretg public cun atgna persunalitad giuridica che s’organisescha autonomamain e che ha in’atgna contabilitad.

Tenor la LMC è il MNS suttamess a la surveglianza dal Cussegl federal ch’exercitescha sia funcziun da surveglianza en spezial cun eleger il Cussegl dal museum, cun approvar il rapport da fatschenta sco er cun sustegnair il Cussegl dal museum. Il Cussegl federal definescha per ordinari las finamiras strategicas dal MNS per ina durada da quatter onns. Mintg’onn vegn controllà, sche quellas finamiras vegnan cuntanschidas.

Ils organs dal MNS èn tenor la Lescha davart ils museums il Cussegl dal museum, la direcziun ed il post da revisiun. La finanziaziun dal MNS fixescha il parlament mintga quatter onns en il rom da la missiva davart la cultura, l’ultima giada l’onn 2020 per la perioda 2021-2024.

Tenor la Lescha davart ils museums e las collecziuns da la Confederaziun s’occupa il Cussegl dal museum da la realisaziun da las finamiras strategicas ch’èn vegnidas determinadas dal Cussegl federal e rapporta, co che quellas vegnan accumplidas.

Tim Guldimann (president, politolog, diplomat e politicher), Larissa Bieler* (vicepresidenta, directura SWI swissinfo.ch, SRG SSR, Berna e commembra de la direcziun generala da SRG SSR, Berna), Sonia Abun-Nasr (commembra, directura da la Biblioteca universitara da Berna), André Holenstein (commember, professer ordinari a l’Universitad da Berna), Andreane Jordan Meier (commembra, advocata e directura da svilup e dals affars externs tar il Centre hospitalier universitaire vaudois a Losanna, Marie-France Meylan Krause (commembra, archeologa ed anteriura directura Site e Musée romains d’Avenches ), Fulvio Pelli* (commember, advocat e notar), Vanessa Rüegger* (commembra, professuressa ordinaria per dretg public a l'Universitad da Genevra)

*commembras e commembers da la cumissiun da finanzas

Tenor la Lescha davart ils museums elegia il Cussegl dal museum, cun resalva da l’approvaziun dal Cussegl federal, la directura u il directur dal Museum naziunal svizzer e, sin proposta da la directura u dal directur, las ulteriuras commembras e commembers da la direcziun. La directura u il directur presidiescha la direcziun, è responsabel per la direcziun operativa dal Museum naziunal svizzer, engascha il persunal e represchenta l’instituziun vers anora.

Da sanestra a dretga:

Markus Leuthard (directur suppleant e manader da fatschenta dal Center da collecziuns), Heidi Amrein (schefcuratura), Beat Högger (manader da fatschenta dal manaschi dal museum), Denise Tonella (directura), Helen Bieri Thomson (manadra da fatschenta dal Chastè da Prangins), Mirjam Richter e Barbara Meglen (assistenta da direcziun), Günhan Akarçay (manader da fatschenta dal Transfurmaziun digitala ed innovaziun)

* commembra u commember da la direcziun
** commembra u commember da la direcziun extendida